Мактабгача экологик таълим ва тарбия

Дарслик дунё ҳамжамияти учун ўта долзарб бўлиб турган «Экологиянинг
долзарб муаммолари»га доир илмий ва амалий асосларни иллюстратив тарзда
ёритиб берувчи ижодий асардир. Уни тайёрлашда муаллиф мактабгача
таълимнинг ўзига хос томонлари, яъни бошқа таълим босқичидаги муассаса
ўқувчиларидан фарқли равишда кичик ёшдаги болажонларнинг таълим ва
тарбия олишида уларнинг фаолияти доимо катталар билан биргаликда бўлиши
инобатга олинган. Мавзуларни ёритишда эса оддийдан мураккабга томон,
турли шакл ва кўринишдаги расм, чизма, жадвал ва инфографикалардан кенг
фойдаланилган.
Дарслик мактабгача таълим тизимида фаолият юритаётган раҳбар ва
ходимлар, касб-ҳунар ҳамда олий таълимнинг тегишли йўналишидаги педагог,
ўқувчи, талаба, магистр ва докторантлар учун мўлжалланган.